سورة النجم - آیت 1
وَالنَّجْمِ إِذَا هَوَىٰ
ترجمہ تیسیر القرآن - مولانا عبدالرحمن کیلانی صاحب
ستارے [١] کی قسم جب وہ ڈوبنے لگے۔
تفسیر احسن البیان - حافظ صلاح الدین یوسف رحمہ اللہ
1- بعض مفسرین نے ستارے سے ثریا ستارہ اور بعض نے زہرہ ستارہ مراد لیا ہے۔ اور بعض نے جنس نجوم هَوَى، اوپر سے نیچے گرنا، یعنی جب رات کے اختتام پر فجر کے وقت وہ گرتا ہے، یا شیاطین کو مارنے کے لیے گرتا ہے یا بقول بعض قیامت والے دن گریں گے۔