سورة غافر - آیت 41

وَيَا قَوْمِ مَا لِي أَدْعُوكُمْ إِلَى النَّجَاةِ وَتَدْعُونَنِي إِلَى النَّارِ

ترجمہ تیسیرالقرآن - مولانا عبد الرحمن کیلانی

اے میری قوم! کیا بات ہے کہ میں تو تمہیں نجات [٥٤] کی طرف بلاتا ہوں اور تم مجھے آگ کی طرف بلاتے ہو۔

تفسیر مکہ - حافظ صلاح الدین یوسف حافظ

* اور وہ یہ کہ صرف ایک اللہ کی عبادت کرو جس کا کوئی شریک نہیں ہے اوراس کے اس رسول کی تصدیق کرو، جو اس نے تمہاری ہدایت اور رہنمائی کے لیے بھیجا ہے۔ ** یعنی توحید کے بجائے شرک کی دعوت دے رہے ہو جو انسان کو جہنم میں لےجانے والا ہے، جیسا کہ اگلی آیت میں وضاحت ہے۔