سورة الشعراء - آیت 193

نَزَلَ بِهِ الرُّوحُ الْأَمِينُ

ترجمہ تیسیر القرآن - مولانا عبدالرحمن کیلانی صاحب

جسے روح الامین لے کر آپ کے دل [١١٢] پر نازل ہوا۔

تفسیر احسن البیان - حافظ صلاح الدین یوسف رحمہ اللہ

1- کفار مکہ نے قرآن کےوحی الٰہی اور منزل من اللہ ہونے کا انکار کیا اور اسی بنا پر رسالت محمدیہ اور دعوت محمدیہ کا انکار کیا۔ اللہ تعالیٰ نے انبیا علیہم السلام کے واقعات بیان کرکے یہ واضح کیا کہ یہ قرآن یقیناً وحی الٰہی ہے اور محمد (ﷺ) اللہ کے سچے رسول ہیں۔ کیونکہ اگر ایسا نہ ہوتا تو یہ پیغمبر جو پڑھ سکتا نہ لکھ سکتا ہے۔ گزشتہ انبیا اور قوموں کے واقعات کس طرح بیان کرسکتا تھا؟ اس لیے یہ قرآن یقیناً اللہ رب العالمین ہی کی طرف سے نازل کردہ ہے جسے ایک امانت دار فرشتہ یعنی جبرائیل (عليہ السلام) لے کر آئے۔