سورة النحل - آیت 1

أَتَىٰ أَمْرُ اللَّهِ فَلَا تَسْتَعْجِلُوهُ ۚ سُبْحَانَهُ وَتَعَالَىٰ عَمَّا يُشْرِكُونَ

ترجمہ تیسیرالقرآن - مولانا عبد الرحمن کیلانی

(اے کافرو) اللہ کا حکم آپہنچا، لہٰذا اس کے لئے جلدی [١] نہ مچاؤ وہ پاک ہے اور اس سے بلندتر [٢] ہے جو یہ لوگ شرک کرتے ہیں

تفسیر مکہ - حافظ صلاح الدین یوسف حافظ

* اس سے مراد قیامت ہے، یعنی وہ قیامت قریب آ گئی ہے جسے تم دور سمجھتے تھے، پس جلدی نہ مچاؤ، یا وہ عذاب مراد ہے جسے مشرکین طلب کرتے تھے۔ اسے مستقبل کے بجائے ماضی کے صیغے سے بیان کیا، کیونکہ اس کا وقوع یقینی ہے۔