سورة الحجر - آیت 1

الر ۚ تِلْكَ آيَاتُ الْكِتَابِ وَقُرْآنٍ مُّبِينٍ

ترجمہ تیسیرالقرآن - مولانا عبد الرحمن کیلانی

ا۔ ل۔ ر یہ اللہ کی کتاب اور اس قرآن کی آیات ہیں جو اپنے احکام واضح طور [١] پر بیان کرنے والا ہے

تفسیر مکہ - حافظ صلاح الدین یوسف حافظ

* کتاب اور قرآن مبین سے مراد قرآن کریم ہی ہے، جو نبی (ﷺ) پر نازل ہوا۔ جس طرح ﴿قَدْ جَاءَكُمْ مِّنَ اللّٰهِ نُوْرٌ وَّكِتٰبٌ مُّبِيْنٌ﴾ (المائدہ:15) میں نور اور کتاب دونوں سے مراد قرآن کریم ہی ہے۔ قرآن کریم کی تنکیرتفخیم شان کے لئے ہے۔ یعنی قرآن کامل اور نہایت عظمت وشان والا ہے۔