سورة یوسف - آیت 11

قَالُوا يَا أَبَانَا مَا لَكَ لَا تَأْمَنَّا عَلَىٰ يُوسُفَ وَإِنَّا لَهُ لَنَاصِحُونَ

ترجمہ تیسیرالقرآن - مولانا عبد الرحمن کیلانی

(اس تجویز کے بعد) وہ اپنے باپ سے کہنے لگے : کیا بات ہے کہ آپ یوسف کے بارے [١٠] میں ہم پر اعتبار نہیں کرتے حالانکہ ہم اس کے خیر خواہ ہیں؟

تفسیر مکہ - حافظ صلاح الدین یوسف حافظ

* اس سے معلوم ہوتا ہے کہ شاید اس سے قبل بھی برداران یوسف (عليہ السلام) نے یوسف (عليہ السلام) کو اپنے ساتھ لے جانے کی کوشش کی ہوگی اور باپ نے انکار کر دیا ہوگا۔