سورة الحج - آیت 17
إِنَّ الَّذِينَ آمَنُوا وَالَّذِينَ هَادُوا وَالصَّابِئِينَ وَالنَّصَارَىٰ وَالْمَجُوسَ وَالَّذِينَ أَشْرَكُوا إِنَّ اللَّهَ يَفْصِلُ بَيْنَهُمْ يَوْمَ الْقِيَامَةِ ۚ إِنَّ اللَّهَ عَلَىٰ كُلِّ شَيْءٍ شَهِيدٌ
ترجمہ تیسیر القرآن - مولانا عبدالرحمن کیلانی صاحب
جو لوگ ایمان لائے [١٦] اور جو یہودی ہوئے [١٧] اور صابی [١٨] اور عیسائی [١٩] اور آتش پرست [٢٠] اور جو مشرک ہیں [٢١]، اللہ تعالیٰ ان سب کے درمیان قیامت کے دن فیصلہ [٢٢] کردے گا۔ کیونکہ اللہ تعالیٰ ہر چیز پر شاید ہے۔
ابن کثیر - حافظ عماد الدین ابوالفداء ابن کثیر صاحب
مختلف مذہبوں کا فیصلہ روز قیامت ہو گا «صَّابِئِینَ» کا بیان مع اختلاف سورۃ البقرہ کی تفسیر میں گزر چکا ہے یہاں فرماتا ہے کہ ’ ان مختلف مذہب والوں کا فیصلہ قیامت کے دن صاف ہو جائے گا ۔ اللہ تعالیٰ ایمان والوں کو جنت دے گا اور کفار کو جہنم واصل کرے گا ۔ سب کے اقوال وافعال ظاہر وباطن اللہ پر عیاں ہیں ‘ ۔