سورة الانعام - آیت 2

هُوَ الَّذِي خَلَقَكُم مِّن طِينٍ ثُمَّ قَضَىٰ أَجَلًا ۖ وَأَجَلٌ مُّسَمًّى عِندَهُ ۖ ثُمَّ أَنتُمْ تَمْتَرُونَ

ترجمہ تیسیرالقرآن - مولانا عبد الرحمن کیلانی

وہی تو ہے جس نے تمہیں مٹی سے پیدا کیا پھر ایک مدت مقرر کی (یعنی موت) اور ایک اور مدت اس کے ہاں معین ہے (یعنی قیامت) پھر بھی تم (اللہ کے بارے میں) شک [٢] کرتے ہو

تفسیر اشرف الہواشی - محمد عبدہ لفلاح

ف 7 یعنی حضرت آد م ( علیہ السلام) کو۔ باقی سب لوگ چونکہ آدم ہی کی اولاد ہیں اس لیے گویا سب مٹی سے پیدا ہوئے (کذافی القرطبی) ف 8’’ میعاد‘‘ یعنی فنا کا وقت مقرر کردیا اور دوسراوعدہ اس کے نزددیک قرار پاچکا ہے۔یعنی اللہ کے سوا کسی کو اس کا علم نہیں پھر تم شک کرتےهو یعنی اتنا بھی نہیں سمجھتے کہ جس نے ایك مشت خاک سے تم كو پیدا کیا وہ دوبارہ تم کو زندہ کرسکے گا،( وحیدی)