سورة النسآء

يَا أَيُّهَا النَّاسُ قَدْ جَاءَكُم بُرْهَانٌ مِّن رَّبِّكُمْ وَأَنزَلْنَا إِلَيْكُمْ نُورًا مُّبِينًا

لوگو! تمہارے پاس تمہارے پروردگار کی طرف سے واضح [٢٣١] دلیل آچکی ہے اور ہم نے تمہاری طرف صاف صاف راہ دکھانے والا نور (قرآن کریم) نازل کیا ہے

ف 4 جب اللہ تعالیٰ نے تمام فرق ضالتہ منافقین، کفار ،یہود ونصاری، ٰ پر دلائل قائم کر دئے اور ان کے شبہات کی بھی مکمل طور پر تر دید فرمادی تو اب اس آیت میں آنحضرت (ﷺ)کی رسالت پر ایمان لانے کی عام دعوت دی ہے ،یہاں برہان سے مراد آنحضرت (ﷺ) کی ذات ہے کیونکہ آپ (ﷺ)کاکام ہی اثبات حق اور ابطال باطل تھا۔ اورنُورٗا مُّبِينٗا سے مراد قرآن پاک ہے جو انسانوں کو ضلالت کے اندھروں سے نکال کر ہدایت کی روشنی کی طرف لاتا ہے اور دل میں نور ایمان پیدا ہونے کا سبب بنتا ہے (راز ی)