سورة الزلزلة - آیت 0

بِسْمِ اللَّهِ الرَّحْمَٰنِ الرَّحِيمِ

ترجمہ تیسیرالقرآن - مولانا عبد الرحمن کیلانی

شروع اللہ کے نام سے جو بڑا مہربان نہایت رحم والا ہے

تفسیر اشرف الہواشی - محمد عبدہ لفلاح

ف 1 اس سورۃ کو بعض مفسرین مدنی اور بعض مکی کہتے ہیں۔ حضرت عبداللہ بن عمرو(رض) سے روایت ہے کہ ایک شخص نے نبی (ﷺ)سے عرض کیا کہ مجھے کوئی جامع قسم کی سورۃ سکھایئے۔ آپ(ﷺ)نے اسے یہ سورۃ سکھائی اس نے کہا ” مجھے اس ذات کی قسم جس نے آپ(ﷺ)کو حق دے کر بھیجا ہے، میں بس اسی کو پڑھتا رہوں گا۔“(ﷺ)آپ نے فرمایا :” یہ آدمی کامیاب ہوگیا۔“ (فتح القدیر بحوالہ احمد ابو دائود، نسائی، بیہقی وغیره)