سورة البروج - آیت 3

وَشَاهِدٍ وَمَشْهُودٍ

ترجمہ تیسیرالقرآن - مولانا عبد الرحمن کیلانی

اور دیکھنے والے کی اور دیکھی جانے والی چیز [٢] کی

تفسیر اشرف الہواشی - محمد عبدہ لفلاح

ف 14 دوسرا ترجمہ یہ بھی ہوسکتا ہے۔ ” حاضر ہونے والے کی اور جس کے پاس وہ حاضر ہوگا اس کی قسم“ اس لحاظ سے شاہد سے مراد لوگ ہیں اور مشہور سے مراد و عجائب و غرائب جنہیں وہ قیامت کے روز دیکھیں گے۔ اکثر صحابہ(رض) و تابعین اس طرف گئے ہیں کہ شَاهِدٍسے مراد جمعہ کا دن اور مَشْهُودٍسے مراد عرفہ کا دن ہے۔ ایک مرفوع حدیث میں یہ خود آنحضرت(ﷺ)سے بھی ثابت ہے اور یہ صحیح بھی ہے۔ (شوکانی)