سورة الإنسان - آیت 16

قَوَارِيرَ مِن فِضَّةٍ قَدَّرُوهَا تَقْدِيرًا

ترجمہ تیسیرالقرآن - مولانا عبد الرحمن کیلانی

شیشے بھی ایسے جو چاندی [١٨] سے مرکب ہوں گے اور انہیں (منتظمین جنت نے) ایک خاص ترکیب [١٩] سے بنایا ہوگا

تفسیر اشرف الہواشی - محمد عبدہ لفلاح

ف 2 یعنی ان میں پینے کی چیز ٹھیک اتنی آئے گی جتنی جنتیوں کو پینے کی خواہش ہوگی، نہ کم اور نہ زیادہ، شاہ صاحب (رح) لکھتے ہیں :” یعنی ان کی پیاس برابر“۔ حضرت ابن عباس (رض) فرماتے ہیں :” تم دنیا میں چاندی کو کوٹ کر چاہے مکھی کے پر کے برابر باریک کرلو، مگر وہ ایسی شفاف نہیں ہوسکتی کہ اس کے پیچھے سے پانی نظر آئے، لیکن جنت کی چاندی شیشے کی طرح شفاف ہوگی“۔ (فتح القدیر بحوالہ بیہقی وغیرہ )