سورة المزمل - آیت 1
يَا أَيُّهَا الْمُزَّمِّلُ
ترجمہ تیسیرالقرآن - مولانا عبد الرحمن کیلانی
(اے محمد (صلی اللہ علیہ وآلہ وسلم) !) جو کپڑا اوڑھے [٢] ہوئے (سونے لگے) ہو
تفسیر اشرف الہواشی - محمد عبدہ لفلاح
ف 10 یہ خطاب آنحضرت (ﷺ)سے ہے کیونکہ شروع میں جب حضرت جبریل وحی لاتے تو آپ (ﷺ)پر کپکپی سی طاری ہوجاتی اور آپ کمبل اوڑھ لیتے۔ چنانچہ جب پہلی مرتبہ حضرت جبریل وحی لائے اور آپ (ﷺ)کپکپی کی کیفیت طاری ہوگئی تو آپ (ﷺ)حضرت خدیجہ سے فرمانے لگے زَمِّلُونِي زَمِّلُونِيمجھے کپڑا اوڑھا دو ...... اس بنا پر آنحضرت (ﷺ)کو اس لفظ سے خطاب کیا گیا۔