سورة النجم - آیت 28

وَمَا لَهُم بِهِ مِنْ عِلْمٍ ۖ إِن يَتَّبِعُونَ إِلَّا الظَّنَّ ۖ وَإِنَّ الظَّنَّ لَا يُغْنِي مِنَ الْحَقِّ شَيْئًا

ترجمہ تیسیرالقرآن - مولانا عبد الرحمن کیلانی

اس کا انہیں کچھ بھی علم نہیں، وہ محض ظن کی پیروی کرتے ہیں اور ظن' حق کے مقابلہ میں کچھ بھی کام نہیں آتا۔

تفسیر اشرف الہواشی - محمد عبدہ لفلاح

ف 1 یعنی اعتقادیات کے باب میں ظن و تخمین کافی نہیں ان کی بنیاد یقین پر ہونی ضروری ہے البتہ عملی مسائل کی بنیاد ظن پر ہو سکتی ہے۔ اس لئے قرآن و حدیث میں نص صریح نہ ملنے کی صورت میں قیاس و اجتہاد بھی کام دے سکتا ہے۔