سورة الزخرف - آیت 43

فَاسْتَمْسِكْ بِالَّذِي أُوحِيَ إِلَيْكَ ۖ إِنَّكَ عَلَىٰ صِرَاطٍ مُّسْتَقِيمٍ

ترجمہ تیسیر القرآن - مولانا عبدالرحمن کیلانی صاحب

آپ بس (اس کتاب کو) مضبوطی سے تھامے رکھئے جو آپ کی طرف وحی کی گئی ہے۔ آپ یقیناً سیدھی [٤٢] راہ پر ہیں

تفسیر اشرف الحواشی - محمد عبدہ الفلاح

ف 9 یعنی آپ (صلی اللہ علیہ وآلہ وسلم) کو ان کافروں کی مخالفت سے دل برداشتہ نہیں ہونا چاہیے۔ آپ (صلی اللہ علیہ وآلہ وسلم) کے لئے یہ اطمینان کا فی ہے کہ آپ (صلی اللہ علیہ وآلہ وسلم) راہ حق پر ہیں، لہٰذا نتائج سے بے فکر ہو کر اپنی دعوت کا کام جاری رکھیں اور خود اس پر کار بند رہیں۔