سورة الزخرف - آیت 24

قَالَ أَوَلَوْ جِئْتُكُم بِأَهْدَىٰ مِمَّا وَجَدتُّمْ عَلَيْهِ آبَاءَكُمْ ۖ قَالُوا إِنَّا بِمَا أُرْسِلْتُم بِهِ كَافِرُونَ

ترجمہ تیسیر القرآن - مولانا عبدالرحمن کیلانی صاحب

اس نبی نے کہا : خواہ میں تمہارے پاس اس سے زیادہ صحیح راستہ [٢٣] لے کر آؤں جس پر تم نے اپنے آباء و اجداد کو پایا ہے؟ (تب بھی تم انہی کی پیروی کرو گے؟) وہ کہنے لگے : ’’جو پیغام دے کر تمہیں بھیجا گیا ہے ہم اس کے منکر ہیں‘‘

تفسیر اشرف الحواشی - محمد عبدہ الفلاح

ف 13 پھر بھی تم میری بات نہ مانو گے اور اپنی ڈگر پر چلتے رہو گے؟ ف 14 یعنی اپنے بزرگوں کی تقلید میں پیغمبروں (صلی اللہ علیہ وآلہ وسلم) کی دعوت کو ٹھکرا دیا۔