سورة فصلت - آیت 26

وَقَالَ الَّذِينَ كَفَرُوا لَا تَسْمَعُوا لِهَٰذَا الْقُرْآنِ وَالْغَوْا فِيهِ لَعَلَّكُمْ تَغْلِبُونَ

ترجمہ تیسیرالقرآن - مولانا عبد الرحمن کیلانی

اور کافر (ایک دوسرے سے) کہتے ہیں کہ : اس قرآن کو نہ سنو [٣٣] اور (جب پڑھا جائے تو) خوب شور مچاؤ۔ اس طرح شاید تم غالب رہو۔

تفسیر اشرف الہواشی - محمد عبدہ لفلاح

ف 11 یعنی جب قرآن پڑھا جاتا ہے تو آپس میں ایک دوسرے سے کہتے ہیں۔ ف 1یعنی قرآن پڑھنے والے کی آواز کو دبا لو اور وہ گھبرا کر قرآن پڑھنا بند کر دے۔