سورة الصافات - آیت 148
فَآمَنُوا فَمَتَّعْنَاهُمْ إِلَىٰ حِينٍ
ترجمہ تیسیر القرآن - مولانا عبدالرحمن کیلانی صاحب
چنانچہ وہ لوگ ایمان لے آئے تو ہم [٨٨] نے انہیں کچھ مدت زندگی سے فائدہ اٹھانے کا موقع دیا۔
تفسیر اشرف الحواشی - محمد عبدہ الفلاح
ف ١٠ ان سے نینوی شہر کے لوگ ہی مراد ہیں جس سے بھاگ کر حضرت یونس ( علیہ السلام) سمندر کی طرف آئے تھے۔ ف ١١ یہ اس طرف اشارہ ہے کہ حضرت یونس ( علیہ السلام) کے چلے جانے کے بعد انہوں نے عذاب کے آثار دیکھ کر توبہ کی تھی اور وہ عذاب کے آثار دیکھ کر توبہ کی تھی اور وہ عذاب سے بچ گئے تھے چنانچہ حضرت یونس ( علیہ السلام) کو جب اپنی قوم کے ایمان لانے کی اطلاع ملی تو وہ واپس آگئے۔ ( دیکھئے سورۃ یونس ( علیہ السلام) آیت ٩٨)