سورة يس - آیت 27

بِمَا غَفَرَ لِي رَبِّي وَجَعَلَنِي مِنَ الْمُكْرَمِينَ

ترجمہ تیسیرالقرآن - مولانا عبد الرحمن کیلانی

کہ میرے پروردگار نے مجھے بخش دیا [٢٩] اور مجھے معززین میں شامل کردیا''

تفسیر اشرف الہواشی - محمد عبدہ لفلاح

ف 7 دوسرا ترجمہ یہ بھی ہوسکتا ہے کہ ” کاش ! میری قوم کو معلوم ہوجاتا ہے کہ کس چیز کی بدولت میرے مالک نے مجھے بخش دیا پہلا ترجمہ ” بِمَا “ کے ” ما“ کا مصدر یہ ہونے کے لحاظ سے ہے اور دوسرا ” ما‘ ‘کے استفہامیہ ہونے کے لحاظ سے ( شوکانی) ف 8 تاکہ وہ بھی میری طرح کفر سے توبہ کرتے اور رسولوں پر ایمان لاتے اور جنت میں داخل ہوتے یا میرا حسن انجام ان کو معلوم ہوتا۔ شاہ صاحب (رح) لکھتے ہیں : ” قوم نے اس سے دشمنی کی کہ مار ڈالا اس کو بہشت میں بھی قوم کی خیر خواہی رہی۔ اگر معلوم کریں میرا حال تو سب ایمان لاویں۔ ( کذافی القرطبی)