وَإِذَا تُتْلَىٰ عَلَيْهِمْ آيَاتُنَا بَيِّنَاتٍ قَالُوا مَا هَٰذَا إِلَّا رَجُلٌ يُرِيدُ أَن يَصُدَّكُمْ عَمَّا كَانَ يَعْبُدُ آبَاؤُكُمْ وَقَالُوا مَا هَٰذَا إِلَّا إِفْكٌ مُّفْتَرًى ۚ وَقَالَ الَّذِينَ كَفَرُوا لِلْحَقِّ لَمَّا جَاءَهُمْ إِنْ هَٰذَا إِلَّا سِحْرٌ مُّبِينٌ
اور جب ان پر ہماری واضح آیات پڑھی جاتی ہیں تو کہتے ہیں :'' یہ آدمی تو ایسا ہے جو یہ چاہتا ہے کہ تمہیں تمہارے ان (معبودوں) سے روک دے جنہیں تمہارے آباء و اجداد [٦٦] پوجا کرتے تھے۔'' نیز وہ کہتے ہیں کہ ''یہ قرآن تو جھوٹ ہی گھڑا ہوا ہے۔ اور ان کافروں کے پاس جب حق آگیا تو کہنے لگے کہ : ''یہ تو صریح جادو [٦٧] ہے''
ف1 یعنی کبھی تو قرآن کے متعلق کہتے کہ یہ جھوٹ ہے جو خدا سے غلط طور پر منسوب کردیا گیا اور کبھی اسے جادو بتاتے یا هَذَاکا اشارہ توحید کی طرف ہو یعنی یہ کہ توحید کا دعویٰ محض جھوٹ ہے اور یہ قرآن جادو ہے۔ امام رازی (رح) لکھتے ہیں کہ توحید سے انکار تو صرف مشرکین ہی کرتے تھے لیکن قرآن اور معجزات سے انکار مشرکین اور اہل کتاب دونوں کرتے تھے اس لئے ” كَفَرُوا “ کا لفظ دونوں کو شامل ہے۔ ( کبیر)