سورة الشعراء - آیت 224

وَالشُّعَرَاءُ يَتَّبِعُهُمُ الْغَاوُونَ

ترجمہ تیسیرالقرآن - مولانا عبد الرحمن کیلانی

اور شاعروں کی پیروی گمراہ لوگ [١٣٤] ہی کرتے ہیں۔

تفسیر اشرف الہواشی - محمد عبدہ لفلاح

ف13۔ گزشتہ آیات میں آنحضرت (صلی اللہ علیہ وآلہ وسلم) کی طرف کہانت کی نسبت کی تردید کی۔ اب فرمایا کہ آنحضرت (صلی اللہ علیہ وآلہ وسلم) کو شاعر کہنا بھی بے بنیاد ہے کیونکہ وہ حق کی دعوت دیتے ہیں اور ان کی صحبت سے فیض یاب ہو کر ہزاروں لوگ نیکی اور پرہیزگاری کی راہ پر چل رہے ہیں۔ اس کے مقابلے میں شاعر نری خیالی باتیں کرنے والے ہوتے ہیں اور ان کے پیچھے چلنے والے بھی اپنے اعمال و اخلاق کے اعتبار سے انتہائی پست درجہ کے لوگ ہوتے ہیں۔