سورة الفرقان - آیت 25

وَيَوْمَ تَشَقَّقُ السَّمَاءُ بِالْغَمَامِ وَنُزِّلَ الْمَلَائِكَةُ تَنزِيلًا

ترجمہ تیسیرالقرآن - مولانا عبد الرحمن کیلانی

اس دن آسمان کو چیرتے ہوئے ایک بادل نمودار ہوگا [٣٥] اور فرشتوں کو پرے کے پرے اتار دیئے جائیں گے

تفسیر اشرف الہواشی - محمد عبدہ لفلاح

ف8۔ حضرت ابن عباس (رض) فرماتے ہیں کہ یہ فرشتے اس لئے اتریں گے کہ حساب کتاب کے لئے تمام مخلوقات کا ایک میدان میں حلقہ کرلیں۔ اس کے بعد اللہ تعالیٰ نزول فرمائے گا۔ اہل علم کا قول ہے کہ فرشتوں کا یہ نزول رضا و رحمت کا نزول ہوگا نہ کہ غصہ اور عذاب کا۔ (شوکانی) غَمَامِسے مراد ” ظل نور“ ہے۔ (ابن کثیر)