سورة النور - آیت 5

إِلَّا الَّذِينَ تَابُوا مِن بَعْدِ ذَٰلِكَ وَأَصْلَحُوا فَإِنَّ اللَّهَ غَفُورٌ رَّحِيمٌ

ترجمہ تیسیرالقرآن - مولانا عبد الرحمن کیلانی

البتہ جو لوگ اس کے بعد توبہ کرلیں اور اپنی اصلاح کرلیں تو یقینا اللہ بڑا بخشنے والا [٩] اور رحم کرنے والا ہے۔

تفسیر اشرف الہواشی - محمد عبدہ لفلاح

ف2۔ یعنی اب ان سے فسق کا حکم بھی اٹھ جائے گا اور ان کی گواہی بھی قبول ہوگی۔ (شوکانی) ائمہ ثلاثہ (رح) اور سلف (رح) کی ایک جماعت کی یہی رائے ہے۔ امام ابو حنیفہ (رح) کے نزدیک اس سے فسق کا حکم تو رفع ہوجائے گا مگر گواہی قبول نہ ہوگی۔ اس اختلاف کی بنا اس چیز پر ہے کہ آیا اس استثناء کا تعلقİ وَلَا تَقۡبَلُواْ لَهُمۡ شَهَٰدَةًĬ اور İأُوْلَٰٓئِكَ هُمُ ٱلۡفَٰسِقُونَĬدونوں سے ہے یا صرف آخری حصہ سے (ابن کثیر)