سورة الحج - آیت 29

ثُمَّ لْيَقْضُوا تَفَثَهُمْ وَلْيُوفُوا نُذُورَهُمْ وَلْيَطَّوَّفُوا بِالْبَيْتِ الْعَتِيقِ

ترجمہ تیسیرالقرآن - مولانا عبد الرحمن کیلانی

پھر اپنا میل کچیل [٤١] دور کریں اور اپنی نذریں [٤٢] پوری کریں اور اس قدیم گھر کا طواف [٤٣] کریں۔

تفسیر اشرف الہواشی - محمد عبدہ لفلاح

ف9 یعنی حجامت بنوائیں اور نہائیں دھوئیں اور جمرہ عقبہ کی رمی کر کے احرام کھول دیں۔ ف 10۔ مراد ہے طواف افاضہ جسے طواف زیارت بھی کہتے ہیں۔ اس پر تمام علما کا اجماع ہے کہ یہ طواف حج کا رکن ہے۔ اس سے مناسک حج کی تکمیل ہوتی ہے اور حاجی سے احرام کے سلسلے کی تمام پابندیاں اٹھ جاتی ہیں۔