سورة الاعراف - آیت 183

وَأُمْلِي لَهُمْ ۚ إِنَّ كَيْدِي مَتِينٌ

ترجمہ تیسیرالقرآن - مولانا عبد الرحمن کیلانی

اور میں انہیں ڈھیل دے رہا ہوں۔ یقینا میری تدبیر کا کوئی توڑ [١٨٣] نہیں

تفسیر اشرف الہواشی - محمد عبدہ لفلاح

ف 7 یعنی ان پر فو راگرفت نہ کروں گا تاکہ وہ غفلت میں پڑے رہیں اور گناہ پر گنا کرتے جائیں۔ اس کا نام ڈھیل اور استدراج ہے جو کفار کو انکے گناہ کی سزا میں دی جاتی ہے مگر وہ اپنی حماقت سے یہ سمجھتے کہ ہم پر بڑی مہر بانی ہو رہی ہے حالانکہ انہیں آخروی عذاب کے لیے تیار کیا جارہا ہے۔ ( کبیر) ف 8 جس کی کسی حیلہ اور تد بیر سے مدافعت نہیں کی جاسکتی حضرت ابو موسیٰ الا شعری (رض) سے روایت ہے کہ نبی(ﷺ) نے فرمایا اللہ تعالیٰ ظالم کو ڈھیل دیتا ہے یہاں تک کہ جب وہ اسے پکڑتا ہے تو وہ بھاگ کر کہیں نہیں جاسکتا ( بخاری ومسلم)