سورة البينة

إِنَّ الَّذِينَ كَفَرُوا مِنْ أَهْلِ الْكِتَابِ وَالْمُشْرِكِينَ فِي نَارِ جَهَنَّمَ خَالِدِينَ فِيهَا ۚ أُولَٰئِكَ هُمْ شَرُّ الْبَرِيَّةِ

اہل کتاب اور مشرکین میں سے جو لوگ کافر ہیں وہ یقینا جہنم میں جائیں گے اور ہمیشہ اس میں رہیں گے یہ لوگ بدترین خلائق ہیں

اِنَّ الَّذِيْنَ كَفَرُوْا مِنْ اَهْلِ الْكِتٰبِ....: ’’ الْبَرِيَّةِ ‘‘ ’’بَرَأَ يَبْرَأُ بَرْأً وَ بُرُوْءًا‘‘ (ف) (پیدا کرنا) سے ’’فَعِيْلَةٌ‘‘ کے وزن پر اسم مفعول کے معنی میں ہے، مخلوق۔ یعنی یہ لوگ تمام مخلوق حتیٰ کہ جانوروں سے بھی بدتر ہیں، جیسا کہ فرمایا : ﴿ اُولٰٓىِٕكَ كَالْاَنْعَامِ بَلْ هُمْ اَضَلُّ﴾ [الأعراف : ۱۷۹ ] ’’ یہ لوگ جانوروں کی طرح ہیں، بلکہ ان سے بھی زیادہ گمراہ ہیں۔‘‘ کیونکہ یہ جان بوجھ کر حق کی مخالفت کر رہے ہیں۔