سورة الشمس

فَقَالَ لَهُمْ رَسُولُ اللَّهِ نَاقَةَ اللَّهِ وَسُقْيَاهَا

تواللہ تعالیٰ کے رسول نے ان سے کہا، خبردار اللہ کی اونٹنی کو ہاتھ نہ لگانا اور اس کو اپنی باری میں پانی پینے دو

فَقَالَ لَهُمْ رَسُوْلُ اللّٰهِ نَاقَةَ اللّٰهِ وَ سُقْيٰهَا: ’’ نَاقَةَ اللّٰهِ ‘‘ (اللہ کی اونٹنی) فعل محذوف ’’اِتَّقُوْا‘‘ کی وجہ سے منصوب ہے۔ یہ نسبت اس اونٹنی کے شرف اور خصوصیت کی وجہ سے ہے، (جیسے ’’بیت اللہ‘‘ میں ہے) ورنہ سب اونٹنیاں اللہ ہی کی ہیں۔