سورة نوح - آیت 8

ثُمَّ إِنِّي دَعَوْتُهُمْ جِهَارًا

ترجمہ ترجمان القرآن - مولانا ابوالکلام آزاد

میں اس پر بھی باز نہیں آیا، پھر انہیں پکار پکار کرتیرا پیغام پہنچایا

تفسیر القرآن کریم (تفسیر عبدالسلام بھٹوی) - حافظ عبدالسلام بن محمد

ثُمَّ اِنِّيْ دَعَوْتُهُمْ جِهَارًا ....: جب ان کے کانوں میں انگلیاں لے لینے اور منہ سر کپڑوں میں چھپا لینے تک نوبت پہنچ گئی تو پھر بھی میں نے انھیں سمجھانا نہیں چھوڑا، بلکہ پھر انھیں مزید بلند آواز سے دعوت دی۔ پھر انھیں کھلم کھلا مجمع عام میں بھی سمجھایا اور لوگوں سے چھپا کر ایک ایک کو نجی طور پر بھی سمجھایا، غرض جس طرح دن رات ہر وقت دعوت دی جا سکتی تھی، اسی طرح ہر طریقے سے دعوت دی۔