سورة القلم

فَاجْتَبَاهُ رَبُّهُ فَجَعَلَهُ مِنَ الصَّالِحِينَ

لیکن پروردگار کو بندہ نوای منظور تھی اس نے نوازش کی پھر اپنے صالح بندوں میں جونیک وبہتر زندگی بسر کررنے کی صلاحیت رکھتے تھے شامل کردیا

فَاجْتَبٰىهُ رَبُّهٗ فَجَعَلَهٗ مِنَ الصّٰلِحِيْنَ : چنے ہوئے تو پہلے بھی تھے، اب ان کا مرتبہ اور بڑھا دیا اور انھیں اعلیٰ درجے کے نیک اور صالح بندوں میں داخل کر دیا۔ ابن عباس رضی اللہ عنھما سے روایت ہے کہ رسول اللہ صلی اللہ علیہ وسلم نے فرمایا : (( مَا يَنْبَغِيْ لِعَبْدٍ أَنْ يَّقُوْلَ إِنِّيْ خَيْرٌ مِّنْ يُوْنُسَ بْنِ مَتّٰی )) [ بخاري، الأنبیاء، باب قول اللّٰہ تعالٰی: ﴿ و إن یونس....﴾ : ۳۴۱۳] ’’کسی بندے کو لائق نہیں کہ وہ کہے میں یونس بن متیّٰ سے بہتر ہوں۔‘‘