سورة الرحمن

يَطُوفُونَ بَيْنَهَا وَبَيْنَ حَمِيمٍ آنٍ

وہ مجرم لوگ آگ اور کھولتے ہوئے پانی کے درمیان گردش کرتے رہیں گے

يَطُوْفُوْنَ بَيْنَهَا وَ بَيْنَ حَمِيْمٍ اٰنٍ: ’’ اٰنٍ ‘‘ ’’أَنٰي يَأْنِيْ إِنًي‘‘ (ض) سے اسم فاعل ہے، جیسا کہ ’’ قَاضٍ‘‘ ہے، انتہائی گرم، کھولنے والا۔ سورۂ غاشیہ میں ہے: ﴿تُسْقٰى مِنْ عَيْنٍ اٰنِيَةٍ ﴾ [الغاشیۃ:۵] ’’وہ ایک کھولتے ہوئے چشمے سے پلائے جائیں گے۔‘‘ ’’ إِنًي‘‘ کھانے کا پک کر تیار ہونا، جیسے فرمایا : ﴿غَيْرَ نٰظِرِيْنَ اِنٰىهُ﴾ [ الأحزاب : ۵۳ ] ’’اس حال میں کہ اس کے پکنے کا انتظار کرنے والے نہ ہوں۔‘‘ ’’ يَطُوْفُوْنَ ‘‘ کی تفسیر کے لیے دیکھیے سورۂ صافات (۶۶ تا ۶۸)۔