سورة النجم

هَٰذَا نَذِيرٌ مِّنَ النُّذُرِ الْأُولَىٰ

یہ نبی بھی پہلے ڈرانے والوں کی طرح ایک ڈرانے والا ہے

هٰذَا نَذِيْرٌ مِّنَ النُّذُرِ الْاُوْلٰى: یعنی یہ رسول بھی ان ہلاک کی جانے والی قوموں کو ڈرانے والے پہلے رسولوں کی جماعت کا ایک فرد ہے، جو تمھیں ڈرانے کے لیے بھیجا گیا ہے۔ اس کا آنا کوئی انوکھی بات نہیں جو تمھاری سمجھ میں نہ آ رہی ہو، جیسا کہ فرمایا : ﴿قُلْ مَا كُنْتُ بِدْعًا مِّنَ الرُّسُلِ ﴾ [ الأحقاف : ۹ ] ’’کہہ دے میں رسولوں میں سے کوئی انوکھا نہیں ہوں۔‘‘