سورة الطور

أَمْ لَهُ الْبَنَاتُ وَلَكُمُ الْبَنُونَ

کیا اللہ کے لیے بیٹیاں ہوں اور تمہارے لیے بیٹے ہوں؟

اَمْ لَهُ الْبَنٰتُ وَ لَكُمُ الْبَنُوْنَ: پھر جب انھیں عالمِ بالا تک رسائی نہیں تو انھیں کیسے معلوم ہو گیا کہ اللہ تعالیٰ کو کائنات کا نظام چلانے کے لیے اولاد کی ضرورت ہے اور انھوں نے یہ کیسے طے کر دیا کہ اولاد بناتے وقت اس نے اپنے لیے بیٹوں کے بجائے بیٹیوں کا چناؤ کیا ہے اور انھیں بیٹوں کے لیے منتخب کیا ہے؟ حالانکہ یہ لوگ اپنے لیے کبھی بیٹیاں پسند نہیں کرتے۔ دیکھیے سورۂ نحل (۵۷ تا ۶۰) اور سورۂ زخرف (۱۶ تا ۱۸)۔