سورة الزخرف

فَاسْتَمْسِكْ بِالَّذِي أُوحِيَ إِلَيْكَ ۖ إِنَّكَ عَلَىٰ صِرَاطٍ مُّسْتَقِيمٍ

سوآپ اس قرآن پر جو آپ کی طرف وحی کے ذریعہ بھیجا گیا ہے مضبوطی سے قائم رہیے بلاشبہ آپ سیدھی راہ پر ہیں

فَاسْتَمْسِكْ بِالَّذِيْ اُوْحِيَ اِلَيْكَ....: یعنی آپ کو ان کافروں کی مخالفت سے دل برداشتہ نہیں ہونا چاہیے، آپ کے لیے یہ اطمینان کافی ہے کہ آپ راہِ حق پر ہیں، اس لیے نتائج سے بے فکر ہو کر دعوت کا کام جاری رکھیں اور خود اس پر پوری طرح کاربند رہیں۔