سورة غافر

وَقِهِمُ السَّيِّئَاتِ ۚ وَمَن تَقِ السَّيِّئَاتِ يَوْمَئِذٍ فَقَدْ رَحِمْتَهُ ۚ وَذَٰلِكَ هُوَ الْفَوْزُ الْعَظِيمُ

اوران کی برائیوں کی پاداش سے بچالے اور جس کو تونے قیامت کے دن برائیوں کی پاداش سے بچالیاتواس پر واقعی تو نے رحم کیا اور یہی بہت بڑی کامیابی ہے

وَ قِهِمُ السَّيِّاٰتِ: ’’قِ‘‘ ’’وَقٰي يَقِيْ وِقَايَةً‘‘ (ض) سے امر کا صیغہ ہے۔ ’’ السَّيِّاٰتِ ‘‘ (برائیوں) سے مراد برے اعمال و اقوال بھی ہیں اور ان کے برے نتائج بھی۔ یعنی فرشتے اللہ تعالیٰ سے ایمان والوں کو تمام برائیوں سے بچانے کی بھی دعا کرتے ہیں اور دنیا و آخرت میں ان کے برے نتائج سے محفوظ رکھنے کی بھی۔ مزید دیکھیے سورۂ آل عمران (۱۸۵)۔