سورة ص - آیت 62

وَقَالُوا مَا لَنَا لَا نَرَىٰ رِجَالًا كُنَّا نَعُدُّهُم مِّنَ الْأَشْرَارِ

اور اہل جہنم میں آپس میں کہیں گے ہمیہاں ان لوگوں کو نہیں دیکھتے جن کو ہم شرپسندوں میں شمار کرتے تھے

وَ قَالُوْا مَا لَنَا لَا نَرٰى رِجَالًا ....: ’’ الْاَشْرَارِ ‘‘ ’’شَرٌّ‘‘ کی جمع ہے، جو اصل میں ’’أَشَرُّ‘‘ اسم تفضیل ہے، بدترین لوگ۔ یعنی جہنمی آگ میں چاروں طرف نگاہ ڈالیں گے تو انھیں اپنے چودھری، سردار اور پیشوا تو نظر آئیں گے مگر وہ مومن نظر نہیں آئیں گے جنھیں وہ دنیا میں مذاق کیا کرتے تھے۔ اس پر وہ حسرت و افسوس اور تعجب سے کہیں گے، ہمیں کیا ہے کہ ہم جہنم میں اپنے ساتھ ان ایمان والوں کو نہیں دیکھ رہے جنھیں ہم دنیا میں بد ترین لوگوں میں شمار کرتے تھے؟