سورة ص - آیت 47

وَإِنَّهُمْ عِندَنَا لَمِنَ الْمُصْطَفَيْنَ الْأَخْيَارِ

اور یقینا وہ ہمارے ہاں برگزیدہ اور بہتر لوگوں میں سے ہیں

وَ اِنَّهُمْ عِنْدَنَا لَمِنَ الْمُصْطَفَيْنَ الْاَخْيَارِ ....: ’’ الْمُصْطَفَيْنَ ‘‘ ’’مُصْطَفٰي‘‘ کی جمع ہے، جو باب افتعال سے اسم مفعول ہے اور اصل میں ’’مُصْتَفٰي‘‘ ہے، صاد کی وجہ سے تاء کو طاء میں بدل دیا ’’چُنے ہوئے۔‘‘ ’’ الْاَخْيَارِ ‘‘ ’’خَيْرٌ‘‘ کی جمع ہے جو اسم تفضیل کا صیغہ ہے اور اصل میں ’’أَخْيَرُ‘‘ ہے، اس لیے اس کی جمع ’’ الْاَخْيَارِ ‘‘ آئی ہے ’’سب سے بہتر لوگ۔‘‘