سورة الصافات - آیت 178

وَتَوَلَّ عَنْهُمْ حَتَّىٰ حِينٍ

ترجمہ ترجمان القرآن - مولانا ابوالکلام آزاد

پس ذرا کچھ مدت کے لیے ان سے تعارض نہ کیجئے اور دیکھتے رہیے یہ خود بھی عنقریب اپنا انجام دیکھ لیں گے

تفسیر القرآن کریم (تفسیر عبدالسلام بھٹوی) - حافظ عبدالسلام بن محمد

وَ تَوَلَّ عَنْهُمْ حَتّٰى حِيْنٍ ....: تاکید کے لیے بات دوبارہ دہرائی، تاکہ آپ صلی اللہ علیہ وسلم کو تسلی ہو اور شاید کفار عبرت حاصل کرلیں۔ یہاں صرف ’’ اَبْصِرْ ‘‘ فرمایا، ’’أَبْصِرْهُمْ‘‘ نہیں فرمایا، اس لیے کہ پہلے ان کا ذکر ہو چکا ہے، یا اس لیے کہ پہلے صرف کفار مکہ کو دیکھنے کا حکم ہے، اب عموم کے لیے ’’هُمْ‘‘ کو حذف کر دیا کہ صرف کفار قریش ہی کو نہیں بلکہ سب جھٹلانے والوں کو اور ان کے ہر حال کو دیکھتے جاؤ، بہت جلد وہ بھی انجام دیکھ لیں گے۔