سورة البقرة

وَقَاتِلُوا فِي سَبِيلِ اللَّهِ وَاعْلَمُوا أَنَّ اللَّهَ سَمِيعٌ عَلِيمٌ

اور (دیکھو) اللہ کی راہ میں (لڑائی پیش آجائے تو موت سے نہ ڈرو بے خوف ہو کر) لڑو ! اور یقین کرو اللہ سننے والا اور سب کچھ جاننے والا ہے

وَ قَاتِلُوْا فِيْ سَبِيْلِ اللّٰهِ:حافظ ابن کثیر رحمہ اللہ نے فرمایا، جس طرح جان بچانا تقدیر سے نہیں بچاتا، اسی طرح جہاد سے فرار اور اجتناب سے نہ موت قریب ہوتی ہے نہ دور، بلکہ اجل اور رزق کا فیصلہ ہو چکا ہے، اس میں کمی یا زیادتی نہیں ہو سکتی۔ جیسا کہ اللہ تعالیٰ نے فرمایا:﴿اَلَّذِيْنَ قَالُوْا لِاِخْوَانِهِمْ....﴾ [ آل عمران:۱۶۸ ] اور فرمایا:﴿اَيْنَ مَا تَكُوْنُوْا يُدْرِكْكُّمُ الْمَوْتُ وَ لَوْ كُنْتُمْ فِيْ بُرُوْجٍ مُّشَيَّدَةٍ﴾ [النساء:۷۸ ] ’’ تم جہاں کہیں بھی ہو گے موت تمہیں پالے گی، خواہ تم مضبوط قلعوں میں ہو۔‘‘