سورة الحجر

إِنَّ فِي ذَٰلِكَ لَآيَاتٍ لِّلْمُتَوَسِّمِينَ

بلاشبہ اس واقعہ میں ان لوگوں کے لیے بڑی ہی نشانیاں ہیں جو (حقیقت کی) پہچان رکھنے والے ہیں۔

اِنَّ فِيْ ذٰلِكَ لَاٰيٰتٍ....: ’’ لِلْمُتَوَسِّمِيْنَ ‘‘ یہ ’’ وَسْمٌ، سِمَةٌ ‘‘ سے باب تفعل کا اسم فاعل ہے۔ ’’ وَسْمٌ‘‘ کامعنی نشان ہے، خصوصاً جوگرم لوہے کے ساتھ اونٹ یا گھوڑے پر لگایا جاتا ہے۔ ’’مِيْسَمٌ‘‘ گرم کرکے نشان لگانے کا آلہ۔ نشانات کو دیکھ کر بات کی تہ تک پہنچنا ’’تَوَسُّمٌ‘‘ کہلاتاہے، یعنی غور و فکر کرنے والوں اورگہری نظر والوں کے لیے ان بستیوں میں عبرت کے بہت سے نشان موجودہیں۔