سورة الحجر

قَالُوا أَوَلَمْ نَنْهَكَ عَنِ الْعَالَمِينَ

انہوں نے کہا کیا ہم نے تجھے اس بات سے نہیں روک دیا تھا کہ کسی قوم کا آدمی ہو لیکن اپنے یہاں نہ ٹھراؤ (اگر ٹھہراؤ گے تو پھر جو کچھ ہمارے جی میں آئے گا کر گزریں گے۔

قَالُوْا اَوَ لَمْ نَنْهَكَ عَنِ الْعٰلَمِيْنَ: ’’ لَمْ نَنْهَكَ ‘‘ ’’ نَهَي يَنْهٰي‘‘ سے جمع متکلم جحد معلوم ہے، ’’نَنْهٰي‘‘ کا الف ’’لَمْ‘‘ کی و جہ سے حذف ہو گیا، کاف ضمیر مفعول بہ ہے۔ یعنی تم سارے جہان کو مہمان بنا لیا کرو گے تو کیا ہم سب ہی کو چھوڑ دیں گے، کیا ہم نے تمھیں منع نہیں کیا کہ ہمارے ہوتے اجنبی مسافروں کو مہمان نہ بنایا کرو اور ہمارے مقابلے میں کسی کی حمایت نہ کرو۔ کیسے خبیث اور مسخ شدہ فطرت والے لوگ تھے، جو اپنے شہر میں آنے والے مہمان یا گزرنے والے کو بھی نہیں چھوڑتے تھے، نہ اس میں کوئی شرم محسوس کرتے تھے۔