سورة یوسف

الر ۚ تِلْكَ آيَاتُ الْكِتَابِ الْمُبِينِ

الر۔ یہ آیتیں ہیں روشن و واضح کتاب کی۔

الٓرٰتِلْكَ اٰيٰتُ الْكِتٰبِ الْمُبِيْنِ:’’ الٓرٰ ‘‘ کے لیے دیکھیے سورۂ بقرہ کی پہلی آیت۔ ’’ الْمُبِيْنِ ‘‘ ’’أَبَانَ يُبِيْنُ‘‘ باب افعال سے اسم فاعل ہے، لازم بھی آتا ہے، جیسے: ﴿ اِنَّهٗ لَكُمْ عَدُوٌّ مُّبِيْنٌ ﴾ [ البقرۃ : ۱۶۸ ] ’’بے شک وہ تمھارا کھلا (واضح) دشمن ہے۔‘‘ متعدی بھی، یعنی بیان کرنے والا، واضح کرنے والا۔ ’’الْكِتٰبِ الْمُبِيْنِ ‘‘ یعنی جس کا انداز بیان واضح اور ہر ایک کی سمجھ میں آنے والا ہے، یا جس کا اللہ کا کلام ہونا بالکل عیاں اور ہر شک و شبہ سے بالا ہے۔