سورة الليل

وَاللَّيْلِ إِذَا يَغْشَىٰ

رات کی قسم، جبکہ اس کی تاریکی کائنات کی تمام اشیاکوچھپادیتی ہے (١)۔

(1) اس سورت کی ابتدائی تین آیتوں میں اللہ تعالیٰ نے لیل و نہار اور اپنی ذات کی قسم کھا کر حضرت انسان سے کہا کہ لوگو ! تمہارے اعمال مختلف قسم کے ہوتے ہیں، کچھ تو اچھے ہوتے ہیں جو دنیا و آخرت میں تمہاری راحت و سعادت کا سبب بنتے ہیں، اور کچھ ایسے برے ہوتے ہیں جو دونوں جہان میں تمہاری شقاوت وبدبختی کا سبب ہوتے ہیں۔ اللہ تعالیٰ نے فرمایا : لوگو ! رات کی قسم جب وہ اپنی تاریکی کے ذریعہ دن کو ڈھانک لیتی ہے۔