سورة الشمس - آیت 9
قَدْ أَفْلَحَ مَن زَكَّاهَا
ترجمہ ترجمان القرآن - مولانا ابوالکلام آزاد
پس اب کامیاب وجود وہ ہے جس نے اپنی قوت محتسبہ کے عمل سے اپنی فطرت صالحہ کو بالکل پاک اور بے آمیزش رکھا
تیسیر الرحمن لبیان القرآن - محمد لقمان السلفی رحمہ اللہ
(9)مذکورہ بالا بھاری قسموں کے بعد اللہ تعالیٰ نے بطور جواب قسم فرمایا کہ کامیاب و بامراد وہ انسان ہوگا جو اپنے نفس کو گناہوں سے پاک کرے گا، عمل صالح اور ذکر الٰہی کے ذریعہ اس زینت بخشے گا۔