سورة البلد

ثُمَّ كَانَ مِنَ الَّذِينَ آمَنُوا وَتَوَاصَوْا بِالصَّبْرِ وَتَوَاصَوْا بِالْمَرْحَمَةِ

اس کے علاوہ اس جماعت کے لوگوں میں سے ہوتا جو اللہ تعالیٰ پر ایمان لائے ہیں اور ایک دوسرے کو صبر وبرداشت کی اور مرحمت کی وصیت کرتے ہیں

(17)جنت کی راہ میں واقع دشوار گھاٹی کو عبور کرنے کے ضمن میں یہ بھی ہے کہ وہ طالبان جنت اللہ پر دل سے ایمان لاتے ہیں اور اپنے اعضاء و جوارح کے ذریعہ عمل صالح کرتے ہیں اور اللہ کی بندگی اور دعوت الی اللہ کی راہ میں انہیں جو صعوبتیں لاحق ہوتی ہیں ان پر صبر کرتے ہیں، اور وہ آپس میں ایک دوسرے کے ساتھ شفقت و رحمت کی نصیحت کرتے ہیں، جیسا کہ اللہ تعالیٰ نے سورۃ الفتح آیت(29) میں صحابہ کرام کی تعریف میں فرمایا ہے : ﴿رُحَمَاءُ بَيْنَهُمْĬ ” وہ لوگ آپس میں ایک دوسرے پر رحم کرتے ہیں۔ “