سورة الفجر - آیت 13

فَصَبَّ عَلَيْهِمْ رَبُّكَ سَوْطَ عَذَابٍ

ترجمہ ترجمان القرآن - مولانا ابوالکلام آزاد

پس قانون الٰہی نے اپنے تازیانہ عذاب کو حرکت دی اور ان سب کو نابود کردیا

تیسیر الرحمن لبیان القرآن - محمد لقمان السلفی رحمہ اللہ

(13)مفسرین نے لکھا ہے کہ ﴿سَوْطَ عَذَابٍ Ĭ سے اس طرف اشارہ ہے کہ اللہ نے اسے دنیا میں جو سخت عذاب دیا، وہ آخرت کے عذاب کے مقابلے میں ایک کوڑے کی مار تھی، بعض نے لکھا ہے کہ اس سے اشارہ اس عذاب کی سختی کی طرف ہے جو اللہ نے اس پر نازل کیا تھا۔