سورة الغاشية

هَلْ أَتَاكَ حَدِيثُ الْغَاشِيَةِ

کیا آپ کو اس چھاجانے والی (آفت) کی خبر پہنچی ہے؟ (١)۔

(1) اللہ تعالیٰ نے نبی کریم (ﷺ) کو مخاطب کر کے قیامت کے بعض حالات بیان کئے ہیں اور اس کی ابتدا لفظ ” ھل“ سے کی ہے جو یہاں تحقیق کے معنی میں ہے، یعنی اے میرے نبی ! آپ کے پاس قیامت سے متعلق یقینی خبریں آگئیں اور قیامت کو لفظ ” الغاشیۃ“ سے اسی لئے تعبیر کیا گیا ہے کہ اس دن کے مہیب و مخیف حالات و شدائد لوگوں کو ہر چہار جانب سے گھیر لیں گے۔