سورة النازعات - آیت 5
فَالْمُدَبِّرَاتِ أَمْرًا
ترجمہ ترجمان القرآن - مولانا ابوالکلام آزاد
پھر (احکام الٰہی کے مطابق) ہر کام کی تدبیر کرتے ہیں
تفسیرتیسیرارحمٰن - محمد لقمان سلفی
(5)اور ان فرشتوں کی قسم جنہیں اللہ تعالیٰ نے عالم بالا و زیریں کے بہت سارے کام سپرد کر رکھے ہیں، جیسے بارش برسانا، پودے اگانا، ہواؤں، سمندروں، حیوانات، رحم مادر میں بچوں کی نگہداشت اور جنت و جہنم وغیرہ کا انتظام و انصرام ۔ ان پانچوں قسموں کے فرشتوں کی قسم، تم دوبارہ ضرور زندہ کر کے اٹھائے جاؤ گے۔