سورة النبأ - آیت 39

ذَٰلِكَ الْيَوْمُ الْحَقُّ ۖ فَمَن شَاءَ اتَّخَذَ إِلَىٰ رَبِّهِ مَآبًا

ترجمہ ترجمان القرآن - مولانا ابوالکلام آزاد

اس دن کا واقع ہونا یقینی ہے جو شخص چاہے اپنے رب کی طرف پلٹنے کاراستہ اختیار کرے

تیسیر الرحمن لبیان القرآن - محمد لقمان السلفی رحمہ اللہ

(39) اللہ تعالیٰ نے روز قیامت اس دن کے وعدہ وعید اور جز او سزا کا ذکر کرنے کے بعدمزید تاکید کے طور پر فرمایا کہ جس روز قیامت کا ذکر اوپر ہوا، اس کا آنا امر یقینی ہے، اس میں کوئی شبہ نہیں، اس لئے جو شخص اس دن سرخرو ہونا چاہتا ہے، وہ اللہ، اس کے رسول اور آخرت پر ایمان لا کر گناہوں سے بچے، اور عمل صالح کر کے رب العالمین سے قربت حاصل کرے۔