سورة الإنسان - آیت 14

وَدَانِيَةً عَلَيْهِمْ ظِلَالُهَا وَذُلِّلَتْ قُطُوفُهَا تَذْلِيلًا

ترجمہ ترجمان القرآن - مولانا ابوالکلام آزاد

جنت (کے درختوں) کے سائے ان پر جھکے ہوئے ہوں گے اور ان کے پھل ان کے اختیار میں کردیے جائیں گے

تفسیرتیسیرارحمٰن - محمد لقمان سلفی

(14) بلکہ ہر وقت ان کے سروں پر گھنا راحت بخش سایہ ہوگا ،اور وہاں کے درخت ہر وقت ان پر سایہ فگن رہیں گے اور ان کے پھل ہمہ وقت اور ہر حال میں ان کے دسترس میں ہوں گے، کوئی چیز ان کے ہاتھوں کو ان تک پہنچنے سے نہیں روکے گی۔