سورة الإنسان - آیت 11

فَوَقَاهُمُ اللَّهُ شَرَّ ذَٰلِكَ الْيَوْمِ وَلَقَّاهُمْ نَضْرَةً وَسُرُورًا

ترجمہ ترجمان القرآن - مولانا ابوالکلام آزاد

) سو اللہ تعالیٰ ان لوگوں کو اس دن کی سختی سے بچالے گا اور ان کو تازگی اور مسرت سے ہمکنار کرے گا

تفسیرتیسیرارحمٰن - محمد لقمان سلفی

(11)اللہ تعالیٰ مذکورہ بالا نیکیوں کے سبب انہیں اس دن کے عذاب سے بچا لے گا اور فرشتے آگے بڑھ کر ان سے کہیں گے کہ یہی وہ دن ہے جس کا تم سے دنیا میں وعدہ کیا جاتا تھا۔ اللہ تعالیٰ ان کا غایت درجہ اکرام کرے گا، ان کے چہرے کو شادابی اور ان کے دلوں کو فرحت و شادمانی عطا کرے گا یعنی انہیں ظاہری اور باطنی تمام نعمتوں سے نوازے گا۔